PHOLISI YA HO BOLOKA LEKUNUTU

 

Tlhahisoleseding e Ntjhafaditsweng!

 

Tlhahisoleseding ya Pholisi ya Rona ya ho Boloka Lekunutu e ile ya ntjhafatswa ka la 15 Motsheanong 2018. Re ntjhafaditse Pholisi ya ho Boloka Lekunutu ho tloha qalong ho isa qetellong e le hore ho tloha letsatsing lena ho ya pele, Pholisi ena ya ho Boloka Lekunutu e ka fana ka dintlha tse batsi haholo mabapi le kamoo tlhahisoleseding ya botho e laolwang kateng bakeng sa softewere ya PITSA YA HO PHEHA REISI E FUTHUMATSWANG KA MOTJHESO YA MI le ditshebeletso tse fanwang ke Chunmi.

 

Re kopa hore o iphe nako ya ho itlwaelanya le ditshebetso tsa rona tsa ho boloka lekunutu mme o re bolelle haeba o na le dipotso dife kapa dife.

 

BOITLAMO BA RONA HO WENA

 

Pholisi ena ya ho Boloka Lekunutu e hlalosa kamoo ShangHai Chunmi Electronics Technology Co., Ltd. le dikhamphani tse sebetsang hammoho le yona hara ShangHai Chunmi Electronics Technology Group ("Chunmi", “re”, "rona", "ya rona") e bokellang, sebedisang, senolang, sebetsang le ho sireletsa tlhahisoleseding efe kapa eo o re nehang yona ha o sebedisa softewere ya PITSA YA HO PHEHA REISI E FUTHUMATSWANG KA MOTJHESO YA MI le ditshebeletso. Haeba re o kopa hore o fane ka tlhahisoleseding e itseng eo o ka tsejwang ka yona ha o sebedisa softewere ya PITSA YA HO PHEHA REISI E FUTHUMATSWANG KA MOTJHESO YA MI le ditshebeletso, e tla sebediswa feela ho ya ka Pholisi ena ya ho Boloka Lekunutu le/kapa melawana ya rona le dipehelo bakeng sa basebedisi.

 

Pholisi ya ho Boloka Lekunutu e entswe ho hopotswe ka wena, mme ho bohlokwa hore o be le kutlwisiso e akaretsang mabapi le ho bokella ha rona tlhahisoleseding ya botho le ditshebediso tsa yona, le tshepo e feletseng ya rona qetellong, o na le taolo ya tlhahisoleseding efe kapa efe ya botho eo o nehileng Chunmi.

 

Pholising ena ya ho Boloka Lekunutu, "tlhahisoleseding ya botho" e bolela tlhahisoleseding e ka sebediswang jwalo ka boitsebahatso ba motho, e bang ke ho tswa ho tlhahisoleseding ena e le nngwe kapa ho tswa tlhahisoleseding e kopantsweng le tlhahisoleseding e nngwe eo Chunmi e nang le phihlello ya yona mabapi e motho eo. Tlhahisoleseding e jwalo ya botho e ka kenyeletsa mme ha ho felle moo, tlhahisoleseding eo o re nehang yona kapa ho e aplouda, tlhahisoleseding e amanang le sesebediswa, jj.

 

Ka ho sebedisa softewere ya PITSA YA HO PHEHA REISI E FUTHUMATSWANG KA MOTJHESO YA MI le ditshebeletso, ho nkuwa hore o badile le ho amohela dipehelo kaofela tse fuperweng ke Pholisi ya ho Boloka Lekunutu, ho kenyeletswa le diphetoho dife kapa dife tse ka etswang nako le nako. E le hore re ikamahanye le melao e sebetsang, ho kenyeletswa le  molao wa lehae wa tshireletso ya datha (ka mohlala, General Data Protection Regulation in Europe Union), re tla hloka ka ho qollehileng tumello e hlakileng bakeng sa tshebetso e kgethehileng (ka mohlala, diqeto tse etswang ka motjhini) ya dihlopha tse kgethehileng tsa datha ya botho. Re itlamme ho sireletsa poloko ya sephiri, lekunutu le tshireletso ya tlhahisoleseding ya hao ya botho re ikamahantse le melao e sebetsang, ho kenyeletsa le molao wa lehae wa tshireletso ya datha. Ka tsela e tshwanang le e lekanang re itlamme ho etsa bonnete ba hore basebetsi bohe ba rona le baemedi ba boloka boitlamo bona.

 

Qetellong, seo re se batlang ke se hlwahlwa bakeng sa basebedisi bohle ba rona. Haeba o ka ba le dingongoreho dife kapa dife mabapi le tshebediso ya rona ya datha ya hao jwalo ka kakaretso ya Pholisi ena ya ho Boloka Lekunutu, re kopa hore o ikopanye le Mohlokomedi wa rona wa Tshireletso ya Datha ho privacy@chunmi.com ho hlahisa dingongoreho tsa hao tse ikgethang . Re tla thabela ho di araba ka kotloloho.

 

KE TLHAHISOLESEDING EFE E BOKELLWANG LE KAMOO RE E SEBEDISANG KATENG

 

MEFUTA YA TLHAHISOLESEDING E BOKELLWANG

 

E le hore re o nehe ditshebetso tsa rona, re tla kopa hore o re nehe tlhahisoleseding ya botho e hlokahalang hore re o nehe ditshebeletso tseo. Haeba o sa re nehe tlhahisoeseding ya hao ya botho, re ke ke ra kgona ho neha dihlahiswa tsa rona kapa ditshebeletso.

 

Re tla bokella feela tlhahisoleseding e hlokahalang bakeng sa merero ya yona e qollehileng, e hlakileng le e tshwanelehang mme e ke ke ya sebediswa ho feta moo ka tsela e sa dumellaneng le merero eo. Re ka bokella mefuta e latelang ya tlhahisoleseding (eo e ka nnang ya ba tlhahisoleseding ya botho kapa e se be yona):

Tlhahisoleseding ya sesebediswa: tlhahisoleseding e amanang le sesebediswa sa hao. Ka mohlala, ID ya Sesebediswa, Lebitso la Sesebediswa le Modele ya Sesebediswa.

Tlhahisoleseding ya sebaka (bakeng sa feela ditshebeletso/ditshebetso tse kgethehileng): ha o kena tlhahisoleseding ya motse wa lona, porogramo ya ho pheha e amanang le yona e ka kgetha ho ntlafatsa boiphihlelo ba mosebedisi.

Tlhahisoleseding ya hao ka ho kgethehileng e ka ajwa ke rona: re bokella le ho sebedisa tlhahisoleseding e jwalo ka Akhaonte ya hao ya MI le lebitso la boswaswi .

Tlhahisoleseding e nngwe: tlhahisoleseding ya ho fana ka maikutlo mabapi le diresipi ha o sebedisa softewere ya rona ka ID Akhaonte ya MI, Diresipi tse ratwang haholo ka ID ya Akhaonte ya MI.

 

Re boela re bokella mefuta e meng ya tlhahisoleseding e sa hokahaneng ka kotloloho kapa e sa amahaneng le motho ka bomong le e akaretsang ba bang, e tlositsweng mabitso kapa e tlositsweng boitsebahatso.Ka mohlala, modele ya sesebediswa le nomoro ya kgatiso ya sistimi ya sesebediswa sa PITSA YA HO PHEHA REISI E FUTHUMATSWANG KA MOTJHESO YA MI sa mosebedisi e ka bokellwa ha ho sebediswa tshebeletso e kgethehileng.Tlhahisoleseding e jwalo e bokellwa e le hore ho ntlafatswe ditshebeletso tseo re o nehang tsona.

 

KAMOO TLHAHISOLESEDING YA BOTHO E SEBEDISWANG KATENG

 

Tlhahisoleseding ya botho e bokellwa bakeng sa ho o neha ditshebeletso le / kapa dihlahiswa, le boikamahanyo ba rona le molao tlasa melao e sebetsang. Mona o fana ka tumello ya hore re ka nna ra sebedisa le ho senola tlhahisoleseding ya hao ya botho ho e neha dikhamphani tse sebetsang hammoho le rona (tsa dikgokahanyo, sebaka sa metswalle , theknoloji le dikgwebo  tsa tlelaote ), Bafani ba bang ba Ditshebeletso (ba hlaloswang mona ka tlase) bakeng sa merero e boletsweng Pholising ena ya ho Boloka Lekunutu.

 

Re ka sebedisa tlhahisoleding ya hao ya botho bakeng sa merero e latelang:

·       Ho fana, ho sebetsa, ho hlokomela, ho ntlafatsa le ho ntshetsa pele thepa ya rona le / kapa ditshebeletso tseo re o nehang tsona, ho kenyeletswa ho kenyeletswa le tshehetso kamora thekiso le tshehetso ho bareki ba rona le bakeng sa ditshebeletso ho sesebediswa sa hao kapa ka diwebsaete tsa rona.

·       Ho buisana le wena mabapi le sesebediswa sa hao, tshebeleso kapa dipotso dife kapa dife tse akaretsang, tse jwalo ka diapdeiti, tshehetso ya dipotso tsa bareki, tlhahisoleseding mabapi le diketsahalo tsa rona, ditsebiso.

·       Ho tsamaisa mesebetsi e amanang le dipapatso, e jwalo ka ho fana ka thepa ya dipapatso le dipromoshene le  dintjhafatso . Bakeng sa tlhahisoleseding e eketsehileng ka mesebetsi ya dipapatso, re kopa hore o shebe karolo ya Dipapatso ka Kotloloho mona ka tlase.

·       Ho o dumella hore o pose maikutlo a hao diforamong tsa batho bohle.

·       Ho hlopholla le ho ntshetsa pele tlhahisoleseding ya dipalopalo mabapi le  tshebediso ya dihlahiswa tsa rona le ditshebeletso e le hore re ntlafatse le ho feta dihlahiswa tsa rona le ditshebeletso.

·       Ho eketsa tshebetso e hlwahlwa ya sesebediswa sa hao.

·       Ho boloka le ho hlokomela tlhahisoleseding mabapi e wena bakeng sa ditshebetso tsa kgwebo ya rona kapa boikamahanyo le molao.

 

Mona ke dintlha tse eketsehileng mabapi le kamoo re sebedisang kateng tlhahisoleseding ya hao (e leng se ka kenyeletsang tlhahisoleseding ya botho):

 

·       Ho o dumella ho nka karolo Foramong ya Chunmi.Tlhahisoleseding ya botho e amanang le Foramo ya Chunmi kapa diplateforomo tse ding tsa Inthanete tsa Chunmi di ka sebediswa bakeng sa pontsho ya leqephe la profaele, kamano le basebedisi ba bang, ho nka karolo  ho foramo

·       Ho ntlafatsa boiphihlelo ba mosebedisi.Difitjhara tsa ho kgetha ho nka karolo, tse jwalo ka Porogramo ya Boiphihlelo ba Mosebedisi, di dumella Chunmi ho hlopholla datha mabapi le kamoo mosebedisi a sebedisang PITSA YA HO PHEHA REISI E FUTHUMATSWANG KA MOTJHESO YA MI le ditshebeletso tsa Chunmi, ho ntlafatsa boiphihlelo ba mosebedisi, bo jwalo ka ho romela diraporoto tsa mathata a sistimi kapa porogramo.

 

DIPAPATSO KA KOTLOLOHO

 

Re ka sebedisa aterese ya hao ya imeile, ID Akhaonte ya Mi ho o neha thepa ya papatso e manang le thepa le ditshebeletso tsa dikhamphani tsa Chunmi le basebetsi-mmoho kgwebong tse fanang ka neteweke, ditshebetso tsa mobaele le dihlahiswa tsa tlelaude le ditshebeletso. Re tla boela re sebedise datha ya hao ya botho kamora ho fumana pele tumello ya hao e hlakileng le tiisetso e hlakileng kapa pontsho e se nang kganano ho ya ka melao ya lehae ya tshireletso ya datha, e ka hlokang tumello e ka thoko e hlakileng. O na le tokelo ya ho kgaotsa bonkakarolo ba hao tshebedisong e sisintsweng ya datha ya hao ya botho bakeng sa dipapatso ka kotloloho. Haeba o sa hlola o batla ho fumana mefuta e itseng ya dipusano ka imeile o ka kgaotsa bonkakarolo ba hao ka ho romela imeile privacy@chunmi.com. Re ke ke ra fetisetsa datha ya hao ya botho ho basebetsi-mmoho kgwebong bakeng sa dipapatso ka kotloloho.

 

BATHO BAO RE AROLELANANG LE BONA TLHAHISOLESEDING YA HAO

 

Ha re rekisetse dihlopha tse ding tlhahisoleseding efe kapa efe ya botho.

 

Ka dinako tse itseng re ka senola tlhahisoleseding ya hao ya botho ho e neha dihlopha tse ding (jwalo ka ha ho hlalositswe mona ka tlase) e le hore ba fane ka dihlahiswa kapa ditshebeletso tseo o di kopileng.

 

Tshenolo e ka nna ya fetisetswa ho Bafani ba Bang ba Ditshebeletso le dikhamphani tse sebedisanang le rona tse thathamisitsweng karolong ena e ka tlase. Ketsahalong ka nngwe e hlalositsweng mona ka tlase, o ka tiiseha Chunmi e tla arolelana feela ka tlhahisoleseding ya hao ya botho ho ya ka tumello ya hao. Tumello ya hao ho Chunmi e tla ama diprosesara tse tlasana bakeng sa ho prosesa tlhahisoleseding ya hao ya botho. O tshwanetse ho tseba hore ha Chunmi e arolelana ka tlhahisoleseding ya hao ya bothole Mofani e Mong wa Ditshebeletso tlasa maemo afe kapa afe a hlalositsweng karolong ena, Chunmi ho latela kontraka e tla bontsha ka ho qollehileng hore sehlopha sena se seng se tshwanetse ho sebedisa ditshebetso le boitlamo ba ho ikamahanya le melao e sebetsang ya lehae ya tshireletso ya datha. Chunmi ho ka kontraka e tla etsa bonnete ba hore Bafani bafe le bafe ba Ditshebeletso ba bang ba ikamahanya le maemo a ho boloka lekunutu a sebetsang ho bona tlasa bolaodi ba sebaka sa lona.

 

HO AROLELANA LE SEHLOPHA SA RONA LE BAFANI BA BANG BA DITSHEBELETSO

 

E le hore re tsamaise ditshebetso tsa kgwebo ka mokgwa o phollatsi mabapi le ho o neha ditshebetso tse sebetsang ka  ho hlwahlwa tsa dihlahiswa tsa rona e ditshebeletso, re ka nna ra senola tlhahisoleseding ya hao ya bophelo nako le nako ho e neha dikhamphani tse ding tse sebetsang hammoho Chunmi, kapa bafani ba rona ba bang ba ditshebeletso ba leng dithomellong tsa rona tsa lehae, bafani ba isang ditshebeletso, dikhamphani tsa thelekhomo, ditsi tsa datha, dibaka tsa ho boloka datha, bafani ba ditshebeletso ho bareki, bafani ba dipapatso, le baemedi ba Chunmi. Bafani ba jwalo ba Ditshebeletso ba tla sebetsa ka tlhahisoleseding ya hao ya botho lebitsong la Chunmi kapa bakeng sa morero o le mong kapa merero e eketsehileng e thathamisitsweng mona ka hodimo. Haeba o sa hlola o lakatsa hore re arolelane ka tlhahisoleseding ena, ka kopo ikopanye le rona ho privacy@Chunmi.com.

 

HO AROLELANA LE DIKHAMPHANI TSE NANG LE SISTIMI YA HO BABALLA BOPHELO LE TIKOLOHO

 

Xiaomi e sebetsa hammoho le sehlopha sa dikhamphani tse phodisang, tseo hammoho di bopang Mi Ecosystem.Dikhamphani tsa Mi Ecosystem ke mekgatlo e ikemetseng, e tsetetseng le ho sebetsa tlasa Xiaomi, mme ke ditsebi tse hlwahlwa ditshebetsong tsa tsona.Chunmi e ka senolela Xiaomi kapa dikhamphani tse ding tsa Mi Ecosystem tlhahisoleseding ya hao ya botho e le hore ba ka o neha le ho ntlafatsa dihlahiswa tse thahasellisang  le ditshebeletso bakeng sa hao (bobedi hatewere le softewere ho tswa ho Mi Ecosystem.Dihlahiswa tse ding tsena le ditshebeletso di sa le tlasa mabitso Xiaomi / Mijia / Mitu, ha tse ding e ka nna ya ba di sebedisa lebitso la kgwebo ya rona.Chunmi e tla nka mehato e tshwanelehang ya tlhophiso le ya bothekniki ho etsa bonnete ba hore tshireletso ya datha ya botho nakong ya tshebetso ya karolelano ya tlhahisoleseding, ho kenyeletsa le empa ho sa felle moo, ho kengwa ha khoutu ya tshireletso ho datha ya hao ya botho.Haeba Chunmi e ameha ho kopangweng ha dikhamphani, ho fumana kapa ho rekisa thepa kaofela kapa karolo ya thepa ya yona, o tla tsebiswa ka imeile le/tsebiso e kgolo ho websaete a rona, mabapi e diphetoho dife kapa dife tsa thuo ya thepa, ditshebediso tsa tlhahisoleseding ya hao ya botho, le dikgetho tseo o ka bang le tsona mabapi e tlhahisoleseding ya hao ya botho.

 

HO AROLELANA LE BA BANG

 

Chunmi e ka senola tlhahisoleseding ya hao ya botho ntle le tumello e nngwe ya hao haeba ho hlokwa ke molao o sebetsang.

 

TLHAHISOLESEDING E SA HLOKENG TUMELLO

 

Re ka arolelana ka tlhahisoleseding e tlositsweng mabitso le dipalopalo tse akaretsang ho e neha dihlopha tse ding bakeng sa merero ya kgwebo, ka mohlala, babapatsi ho websaete ya rona, re ka arolelana le bona ditshekamelo tsa batho mabapi le tshebediso e akaretsang ya ditshebeletso tsa rona, jwalo ka palo ya bareki dihlopheng tse itseng tsa demokerafiki ba rekang dihlahiswa tse itseng kapa ba ileng ba etsa ditshebetso tse itseng.

 

Bakeng sa ho qoba pelaelo, Chunmi e ka nna ya bokella, sebedisa kapa senola tlhahisoleseding ya hao ya botho ntle le tumello ya hao haeba le ka tekanyo feela e dumellwang ka ho feletseng tlasa melao ya lehae ya tshireletso ya datha. Tshenolo e jwalo e ka hlahiswa ke haeba ho hlokahala hore ho sireletswe ditokelo tsa hao, ho etsa bonnete ba hore wena le batho ba bang le bolokehile, le ho ikamahanya le ditlhoko ho tsa  mmuso wa lehae bakeng sa ho thusa ka diphuputso mesebetsing ya tlolo ya molao.

 

DITSHIRELETSO

 

MEHATO YA TSHIRELETSO ya Chunmi

 

Re itlamme ho etsa bonnete ba hore tlhahisoleseding ya hao ya botho e sireletsehile. E le hore re thibele phihlello e sa dumellwang, tshenolo kapa dikotsi tse ding tse tshwanang, re kentse tshebetsong mekgwa e utlwahalang e bonahalang, ya elektroniki le ya botsamaisi le ho sireletsa tlhahisoleseding eo re e bokellwa ha o sebedisa dihlahiswa le ditshebeletso tsa hao tsa Chunmi le diwebsaete. Re tla sebedisa boiteko bohle bo utlwahalang ho sireletsa tlhahisoleseding ya hao ya botho.

 

Ka mohlala, ha o fihlella Akhaonte ya Mi ya hao, o ka kgetha ho sebedisa tshebetso ya rona e nang le mehato e mmedi ya netefatso bakeng sa tshireletso e molemo haholwanyane. Ha o romela kapa ho fumana datha e tswang sesebedisweng sa hao sa Chunmi ho tswa ho disevara tsa rona, etsa bonnete ba hore di sebedisa khoutu e patehileng ya Secure Sockets Layer ("SSL") le dialgorithme tse ding.

 

Tlhahisoleseding kaofela ya hao ya botho e ho disevara tse bolokehileng tse sireleditsweng mehahong e laolwang. Re hlophisa datha ya hao ho ya ka bohlokwa le lekunutu la yona, le ho etsa bonnete ba hore tlhahisoleseding ya hao ya botho e na le maemo a phahameng ka ho fetisisa a tshireletso. Re etsa bonnete  ba hore basebetsi ba rona le Bafani ba bang ba Ditshebeletso ba nang le phihlello ho tlhahisoleseding ba thusang ka ho o neha dihlahiswa tsa rona le ditshebeletso ba ikamahanya ka thata le boitlamo le boikarabelo ba kontraka ba ho boloka lekunutu mme ba kgalemelwa kapa ho ka kgaotswa tshebeletsong  ya bona haeba ba hlolela ho boloka boitlamo le boikarabelo bo jwalo. Re boetse re na e taolo e kgethehileng bakeng sa datha e bolokilweng ho tlelaote . Ka kakaretso, re hlahloba ka mehla pokeletso ya rona ya tlhahisolesedingtlhahisoleseeing, poloko ya yona le ditshebediso, ho kenyeletswa la mehato e bonahalang ya tshireletso, ho sireletsa kgahlanong le phihlello e sa dumellwang le tshebediso.

 

Re nka mehato kaofela e sebetsang ho sireletsa tlhahisoleseding ya hao ya botho. Le ha ho le jwalo, o tshwanetse ho lemoha hore tshebediso  ya Inthanete ha e a sireletseha ka ho feletseng, mme ka lebaka lena re ke ke ra fana ka  tiisetso bakeng sa tshireletso kapa tshepahalo ya tlhahisoleseding efe kapa efe ya botho e fetiswang ke wena kapa e fetisetswang ho wena ka Inthanete.

 

SEO O KA SE ETSANG

 

·       O ka phetha karolo ka ho sireletsa tlhahisoleseding ya hao ya botho ka hore o se senole phasewete ya hao ya ho kena kapa tlhahisoleseding ya akhaonte ho mang kapa mang  ntle le haeba motho ya jwalo a fuwa tumello ke wena. Nako e nngwe le e nngwe ha o kena ho Akhaonte ya Mi jwalo ka mosebedisi ho diwebsaete tsa Chunmi, haholoholo haeba o kena khomphutheng kapa ditheminaleng tsa khomphutha tsa motho e mong osele kapa tsa batho bohle, ka dinako tsohle o tshwanetse ho tswa  qetellong ya seshene.

·       Chunmi e ke ke ya jariswa boikarabelo bakeng sa ho senyeha ha tshireletso ho bakilweng ke diphihlello tsa batho ba bang ho tlhahisoleseding ya hao ya botho ka lebaka la ho hloleha ha hao ho boloka tlhahisoleseding ya hao ya botho e le sephiri. Ho sa natswe se boletsweng ka hodimo, o tshwanetse ho re tsebisa hanghang haeba ho na le tshebediso  efe kapa efe e sa dumellwang ya akhaonte ya hao ke mosebedisi ofe kapa ofe e mong wa Inthanete kapa tlolo efe kapa efe ya tshireletseho.

·       Thuso ya hao e tla re thusa ho sireletsa lekunutu la tlhahisoleseding ya hao ya botho.

 

PHOLISI YA HO BOLOKA

 

Tlhahisoleseding ya hao ya botho e tla bolokwa ha feela ho ntse ho hlokahala ho phethahatsa morero oo e bokeletsweng ka ona, kapa jwalo ka ha ho hlokwa kapa ho dumellwa ke melao e sebetsang. Re tla kgaotsa ho boloka tlhahisoleseding ya botho, kapa ho tlosa ditsela tseo tlhahisoleseding ya botho e ka amahangwang le batho ba itseng, kapele kamoo ho utlwahalang haeba ho nkwa hore morero oo e ileng ya bokellwa bakeng sa ona ha o sa hlola o sebeletsa ho bolokwa ha tlhahisoleseding ya botho . Haeba tshebetso e eketsehileng e le bakeng sa merero ya ho e boloka bakeng sa thahasello ya batho bohle, saense kapa phuputso ya histori kapa dipalopalo ho ya ka melao e sebetsang, datha e ka bolokwa ka ho eketsehileng ke Chunmi esita e haeba tshebediso e sa tsamaisane le merero ya sethathong.

 

Hajwale re fana ka ditsela tse pedi tse fapaneng bakeng sa basebedisi tsa ho hlakola datha.

Tsela ya pele ke ya hore o hlakole datha e bolokilweng ho hatewere, e ka etswang ka ho tobetsa le ho tshwara dikonopo tsa “Timer” le “Start” ka nako e tshwanang bakeng sa metsotswana e mehlano. O ka seta botjha diseting tsa hao ka mora ho tima le ho bulela hape matla.

Tsela ya bobedi ke ka ho hlakola datha e bolokilweng ho softewere, e ka etswang ka ho ya ho “Settings” le ho kgetha “Restore Default Settings” ho seta botjha diseting tsa hao tse bokilweng ke aplikheishene.

HO FIHLELLA DIFITJHARA TSE DING TSA SESEBEDISWA SA HAO

 

Diaplikheishene tsa rona di ka hloka phihlello ho difitjhara tse itseng ho sesebediswa sa hao tse jwalo ka neteweke ya Wi-Fi. Tlhahisoleseding ena e sebediswa bakeng sa ho dumella diaplikheishene ho sebetsa sehlahisweng sa hao le ho o dumella ho hokahana le diaplikheishene. Ka nako efe kapa efe o ka hlakola ditumello tsa hao ka ho tima tsena sesebedisweng sa hao kapa ka ho ikopanya le privacy@Chunmi.com

 

O NA LE TAOLO HODIMA TLHAHISOLESEDING YA HAO!

 

HO LAOLA DISETING

 

Chunmi hore ho tshwenyeha ha ho bolokwa ha lekunutu ho fapana ho ya ka batho. Kahoo, re fana ka mehlala ya ditsela tseo Chunmi e o nehang kgetho ya ho thibela pokello , tshenolo kapa tshebediso ya tlhahisoleseding ya hao ya botho le ho laola diseting tsa hao tsa lekunutu:

 

·       Ho kena le ho tswa ho Akhaonte ya Mi;

·       Hokella le ho tswa ditshebeletsong tse ding le ditshebetsong tse sebetsang le tlhahisoleseding ya sephiri haholo kapa ya botho.

 

Haeba nakong e fetileng o ile wa re dumella ho sebedisa tlhahisoleseding ya hao ya botho bakeng sa merero e boletsweng mona ka hodimo, o ka nna wa fetola mohopolo wa hao ka nako efe kapa efe ka ho re ngolla kapa ho re romella imeile ho privacy@Chunmi.com.

 

PHIHLELLO, HO NTJHAFATSA, HO LOKISA KAPA HO HLAKOLA TLHAHISOLESEDING YA HAO YA BOTHO

 

·       O na le tokelo ya ho kopa phihlello ho le/kapa tokiso ya tlhahisoleseding efe kapa efe e nngwe ya botho eo re e tshwereng bakeng sa hao. Ha o ntjhafatsa tlhahisoleseding ya hao ya botho, o tla kopuwa hore o netefatse boitsebahatso ba hao pele re ka sebetsa kopo ya hao. Hang ha re fumane tlhahisoleseding e lekaneng bakeng sa ho amohela kopo ya hao bakengsa phihlello kapa tokiso ya tlhahisoleseding ya hao ya botho, re tla tswela pele ho arabela kopong ya hao hara meedi ya nako e behilweng le tlasa melao ya hao e sebetsang ya tshirereletso ya datha.

·       Khopi ya datha ya hao ya botho e bokeletsweng le ho sebetswa ke rona e tla romelwa ho wena kamora ho etsa kopo ya ho se lefiswe letho. Bakeng sa kopo e eketsehileng ya tlhahisoleseding e tshwanang, re ka nna ra o lefisa tefiso e utlwahalang ho itshetlehile ka ditjeo tsa tsamaiso ho ya ka melao e sebetsang.

·       Haeba o lakatsa ho etsa kopo ya ho fihlella tlhahisoleseding ya hao ya botho eo re e tshwereng kapa haeba o dumela hore tlhahisoleseding efe kapa efe eo re e tshwereng e fosahetse kapa ha e ya fella, ka kopo re ngolle kapa o re romelle imeile kapele kamoo o ka kgonang atereseng ya imeile e mong ka tlase. Imeile: privacy@Chunmi.com

·       Haeba o le mosebedisi ya leng ho Europe Union tlasa General Data Protection Regulation (GDPR), o na le tokelo ya ho fumana ho rona tlhakolo ya tlhahisoleseding ya hao ya botho. Re tla hlahloba ka hloko mabaka ao ka ona o kopang ho hlakola hona le ho nka mehato e utlwahalang, ho kenyeletswa le mehato ya bothekniki, haeba mabaka e sebetsa ho GDPR.

·       Haeba o le mosebedisi ya leng ho Europe Union le tlasa GDPR, o na le tokelo ya ho fumana thibelo ya tshebetso ya tlhahisoleseding ya hao ya botho. Re tla hlahloba mabaka mabapi le kopo ya thibelo ya hao. Haeba mabaka a sebetsa ho GDPR, re tla sebetsa feela tlhahisoleseding ya hao ya botho tlasa maemo a sebetsang ho GDPR le ho o tsebisa pele thibelo ya tshebetso e tloswa.

·       Haeba o le mosebedisi ya leng ho Europe Union le tlasa GDPR, o na le tokelo ya hore o se laolwe ke qeto e thehilweng feela qetong e etswang ke motjhini, ho kenyeletswa le ho etswa ha profaele, e nang le dikgahlamelo tsa molao tse mabapi le wena kapa tse o amang haholo ka tsela e tshwanang.

·       Haeba o le mosebedisi ya leng ho Europe Union le tlasa GDPR, o na le tokelo ya ho fumana tlhahisoleseding ya botho e entsweng, sebopehong se sebediswang ka ho tlwaehileng le bakeng sa phetiso ya tlhahisoleding ho ya ho molaodi e mong wa datha.

 

KGULO YA TUMELLO

 

O ka nna wa hula tumello ya hao bakeng sa pokello, le tshebediso le/kapa tshenolo ya tlhahisoleseding ya hao ya botho eo re e tshwereng kapa ho e laola ka ho romela kopo.Sena se ka etswa kaho romela imeile ho privacy@Chunmi.com.Re sebetsa kopo ya hao hara meedi ya nako e utlwahalang ho tloha nakong eo kopo e entsweng ka yona, mme kamora moo ha ho pokello , tshebediso le/kapa tshenolo e tla etswa bakeng sa tlhahisoleseding ya hao ya botho ho ya ka kopo ya hao.

 

Ka kopo lemoha hore kgulo ya hao ya tumello e ka hlahisa ditlamorao tse itseng tsa molao.Ho itshetlehile ka tekanyo ya kgulo ya tumello ya hao bakeng sa rona ho sebetsa tlhahisoleseding ya hao ya botho, sena se ka bolela hore o ka nna wa se kgone ho thabela ho sebedisa softewere ya PITSA YA HO PHEHA REISI E FUTHUMATSWANG KA MOTJHESO YA MI le ditshebeletso.

PHETISO YA TLHAHISOLESEDING HO YA SEBAKENG SEO O SENG TLASA TAOLO YA SONA

 

Ho ya ka bohole boo ho ka nnang ha hlokahala hore re fetise tlhahisoleseding ya botho kantle ho sebaka seo o leng tlasa taolo ya sona, e bang ke ho dikhamphani tseo re sebetsang hammoho le tsona kapa Bafani ba bang ba Ditshebeletso, re tla etsa jwalo ho ya ka melao e sebetsang. Ka ho kgethehileng, re tla etsa bonnete ba hore diphetiso kaofela di etswa ho ya ka ditlhokeho tlasa melao e sebetsang ya sebaka ya tshireletso ya datha ka ho kenya tshebetsong tshireletso tse tshwanelehang. O tla ba le tokelo ya ho tsebiswa mabapi le tshireletso tse tshwanelehang tse nkuweng ke Chunmi bakeng sa phetiso  ya tlhahisoleseding ya hao ya botho

 

Chunmi e ka sebedisa dibaka tsa mose ho mawatle tse sebediswang le ho laolwa ke Chunmi bakeng sa ho sebetsa kapa ho etsa bekup  ya tlhahisoleseding ya hao ya botho. Hajwale, Chunmi e na le ditsi tsa datha Beijing, United States, Singapore, India, Russia le Jeremane. Dibaka tsena tse mose ho mawatle tsa taolo di ka nna tsa ba le tshebediso ya melao ya tshireletso ya datha kapa tsa se be le yona e tshwanang haholo le melao ya taolo sebakeng sa heno. Re ka nna ra fetisetsa kapa ho boloka tlhahisoleseding ya hao ya botho dibakeng tsa rona tse mose ho mawatle. Le ha ho le jwalo, sena ha se fetole boitlamo bofe kapa bofe ba rona ba ho sireletsa tlhahisoleseding ya hao ya botho ho ya ka Pholisi ena ya ho Boloka Lekunutu.

 

DINTHO TSE DING

BANA

 

Re nahana hore ke boikarabelo ba batswadi ho hlokomela tshebediso ya bana ba bona ya dihlahiswa tsa rona le ditshebeletso. Le ha ho e jwalo, ke pholisi ya rona hore re se kope tlhahisoleseding ya botho ho tswa ho bana kapa ho romela thepa efe kapa efe ya promoshene ho batho ba leng sehlopheng seo.

 

Chunmi ha e batle kapa ha a rera ho batla ho fumana tlhahisoleseding efe kapa efe ho tswa ho bana. Haeba motswadi kapa mohlokomedi a na le mabaka a ho dumela hore ngwana o file Chunmi tlhahisoleseding ntle le tumello ya pele ya bona, ka kopo ikopanye le rona ho etsa bonnete ba hore tlhahisoleseding ya botho e ya hlakolwa le hore ngwana o tloswa ditshebeletsong dife kapa dife tse sebetsang ho Chunmi.

 

TATELLANO YA TSHEBEDISO

 

Haeba o dumetse Ditumellano tsa rona tse sebetsang tsa Mosebedisi, haeba ho na le ho se tshwane ho itseng pakeng tsa Ditumellano tse jwalo tsa Mosebedisi le Pholisi ena ya ho Boloka Lekunutu, ketsahalong eo Ditumellano tsa Mosebedisi ke tsona tse tla sebediswa.

 

DINTJHAFATSO TSA TLHAHISOLESEDING YA PHOLISI YA HO BOLOKA LEKUNUTU

 

Re boloka Pholisi ya rona ya ho Boloka Lekunutu e hlahlojwa botjha kamehla mme ho re ka ntjhafatsa tlhahisoleseding ya pholisi ya ho boloka lekunutu e le hore e bontshe diphetoho ditshebedisong tsa rona tsa tlhahisoleseding. Haeba re etsa diphetoho tsa thepa ho Pholisi ya rona ya ho Boloka Lekunutu, re tla o tsebisa ka imeile (ho romela ho aterese ya imeile e bontshitsweng akhaonteng ya hao) kapa ka ho posa diphetoho ho diwebsaete kaofela Chunmi kapa ka softewere ya rona, e le hore o ka lemohiswa ka tlhahisoleseding eo re e bokellang le hore na re tla e sebedisa jwang. Diphetoho tse jwalo ho Pholisi ya rona ya ho Boloka Lekunutu e tla sebetsa ho tloha letsatsing le bontshitsweng tsebisong kapa ho websaete. Re o kgothaletsa hore nako le nako o hlahlobe leqephe lena bakeng sa tlhahisoleseding ya moraorao tshebetsong tsa hao tsa lekunutu.. Haeba o tswela pele o sebedisa dihlahiswa le ditshebeletso ho diwebsaete, difounu tsa mobale le/kapa sesebediswa sefe kapa sefe se seng re tla nka hore sena e le kamohelo ya Pholisi ya ho Boloka Lekunutu e nang le tlhahisoleseding e ntjhafaditsweng. Re tla batla tumello ya hao e ntjha pele re bokella tlhahisolesedin e eketsehileng ya botho ho tswa ho wena kapa haeba re batla ho senola tlhahisoleseding ya  hao ya botho bakeng sa merero e metjha.

 

NA KE TLAMEHO HORE KE DUMELA MELAWANA LE DIPEHELO TSA DIHLOPHA TSE DING?

 

Pholisi ya rona ya ho Boloka Lekunutu ha e sebetse bakeng sa dihlahiswa le ditshebeletso tse fanwang ke sehlopha se seng. Dihlahiswa le ditshebeletso tsa Chunmi di ka kenyeletsa dihlahiwa tsa dihlopha tse ding, ditshebeletso le di-linki tsa diwebsaete tsa dihlopha tse ding. Ha o sebedisa dihlahiswa tse jwalo kapa ditshebeletso, tsena le tsona di ka bokella tlhahisoleseding. Ka lebaka lena , re o kgothaletsa ka thata hore o bale pholisi ya ho boloka lekunutu ya dihlopha tse ding jwala ka ha o ile wa ipha nako ya ho bala ya rona. Re ke ke ra ikarabella bakeng sa mme re ke ke ra laola hore na ke jwang dihlopha tse ding di sebedisa tlhahisoleseding ya botho eo ba e bokellang ho tswa ho wena. Pholisi ya rona ya ho Boloka Lekunutu ha e sebetse bakeng sa diwebsaete tse ding tse hokeletsweng ditshebeletsong tsa rona.

 

SEBAKA SA METSWALLE  (DIFITJHARA) LE DIWIJETE

 

Diwebsaete tsa rona di kenyeletsa difitjhara tsa sebaka sa metswalle , tse jwalo ka konopo e jwalo ya Facebook le diwijete , jwalo ka konopo ena ya Arolela  kapa diporogramo tse nyenyane tse amanang tse sebetsang ho websaete ya rona. Difitjhara tsena di ka bokella aterese ya hao ya IP, hore na o etela leqephe lefe ho saete ya rona, mme di ka seta khuki  ho etsa hore Fitjhara  eo e kgone ho sebetsa ka nepo. Difitjhara tsa sebaka sa metswalle  le diwijete  di ka tshwarwa  ke sehlopha se seng kapa tsa tshwarwa ke diwebsaete tsa rona ka kotloloho. Dikamano tsa rona le Difitjhara tsena di laolwa ke pholisi ya ho boloka lekunutu ya khamphani e fanang ka tsona.

 

HO SAENA HANNGWE

 

Ho Itshetlehile ka taolo eo e leng tlasa yona, o ka nna wa kgona ho kena ho websaete ya rona ka ho saeba bakeng sa ditshebeletso tse jwalo ka Facebook Connect kapa mofani wa Open ID. Ditshebeletso tsena di tla netefatsa boitsebahatso ba hao, di tla o neha kgetha ya ho arolelana ka tlhahisoleseding e itseng ya botho (jwalo ka lebitso la hao le aterese ya imeile) le rona, ho kenya foromo ya rona e saenwang. Ditshebeletso tse jwalo ka Facebook Connect di o neha kgetho ya ho posa tlhahisoleseding mabapi le mesebetsi ya hao ho websaete ena leqepheng la hao la profaele ho ho e arolelana le ba bang hara neteweke ya hao.

 

KATAMELO YA RONA MABAPI LE HO LAOLA TLHAHISOLESEDING YA HAO YA BOTHO TLASA GDPR

Haeba o le mosebedisi ya leng ho Europe Union le tlasa GDPR, Chunmi e tla fana ka katamelo e nang le sistimi ya ho laola datha ya botho e akaretsang haholo batho ba rona, ditshebetso tsa taolo le disistimi tsa tlhahisoleseding ka ho kenya tshebetsong mokgwatshebetso wa taolo ya kotsi.Ho ya ka GDPR, ka mohlala, (1) Chunmi e hlophisitse Mohlokomedi wa Tshireletsoya Datha (Data Protection Officer (DPO)) ya ikarabellang ka tshireletso ya datha, mme dintlha tsa boikopanyo tsa DPO ke dpo@chunmi.com; (2) Chunmi e kgetha moemedimmuelli wa molao ya nang le boiphihlelo eo re mo kgethileng Europemme dintlha tsa boikopanyo e moemedi ke representative@chunmi.com3mokgwatshebetso o jwalo ka tekolo ya kgahlamelo ya tshireletso ya datha (data protection impact assessment (DPIA)).

 

IKOPANYE LE RONA

 

Haeba o na le maikutlo afe kapa afe ao o batlang ho a hlahisa kapa dipotso mabapi le Pholisi ena ya ho Boloka Lekunutu mabapi le pokello , tshebediso kapa tshenolo ya tlhahisoleseding ya hao ya botho, ka kopo ikopanye le rona atereseng e mona ka tlase mme o ngole "Pholisi ya ho Boloka Lekunutu " jwalo ka referense:

 

ShangHai Chunmi Electronics Technology Co., Ltd.

Room 01-04, Building 2, Tengfei Lotus Business Park, No. 60 Naxian Road

Pudong District, Shanghai, China

Imeile: privacy@chunmi.com

 

Re a o leboha ka ho nka nako ya ho utlwisisa Pholisi ya rona ya ho Boloka Lekunutu!